Markoevekids prinses Lynn
Leef Markoef en Markoevinne,
Miene naam is Lynn Wolfhagen, dit jaor moog ich de kids veur gaon es Prinses Lynn! Ich bön 8 jaor aad, gebaore op 7 juni 2017 in het ziekehoes in Remunj. Ich bön de dochter van aad Prins Randy I en aad Prinses Chantal (2023-2024). Vastelaovend waerd mich ech mit de paplaepel ingegaote!
Same mit pap en mam en miene grote broor Dani woon ich in Melick op de Sint Servaaslaan. Ich zit op BS de Achtbaan, biej meester Davy in groep 5. Mien hobby’s zeen danse mit de Markoevekids en turnen. Det letste doot ich biej Gympoint in Vlodrop.
Ich doot gaer sjpelkes zoals, “wie ben ik” en kaarten. Same mit mien vriendinnetjes doot ich gaer make-uppen en TikTok filpmjes maken.
Liefs, Lynn
Miene sjpreuk:
Op de kop en in balans, Dit is mien kans!
Sjlager Markoevkids
——————————————————————————————————————–
Jeugprinsepaar Dean I & Marit
Miene naam is Marit Hodzelmans, ich bön15 jaor aad.
Ich woon al mien hele laeve in Melick.
Ich bön opgegreujd in ein ech vastelaovens gezin.
Ich zit al 11 jaor mit plezeer bie de Markoef, eers es Markoeve Kids lid en noe es es jeuglid.
Ich gaon altied mit in de optocht, dans al jaore bie de Markoef en help altied mit es der
activiteite zeen.
Es ich klaor bön mit sjool, dan sjpraek ich ’t leefs aaf mit vrunj. Op zaoterdig werk ich bie Luc’s
Notenbar oppe mert in Remunj en op zonjig werk ich bie De Aethook in Herkenbosj.
De res van miene vrieje doon ich gaer boekse bie Boxingngym in Vlorp mit de volwassene
groep en natuurlik dans ich gaer mit bie de dansmarietjes van de Markoef.
In April bön ich gevraogd óm jeugprinses te waere. Ich waas mit pap en mam aan ’t sjoppe in
Pruuses en dao waerde ich verras door Vivian en Yvonne, die mich op ein erg leuke meneer
vroge of ich jeugprinses wilde waere. Natuurlik zei ich drek JAO!
Vastelaovendj is ein van de belangriekste dinger in mien laeve omdet ich al sinds klein af aan
bie de Markoef zit en ich altied oetkiek nao ’t nuje sezoen en noe veural, omdet ich prinses
moog zeen.
Ich bön Dean Willems, 16 jaor aad en woonachtig aan de Emile Seipgenssjtraot, samen mit mien pap Marc, mam Desirée, zusje June en os hundje Soof. Mien broor Tycho woont neet biej os, maar dae zeen ich auch meer den genog.
Ich volg de opleiding toet zelfstandig werkend kok op de Rooi Pannen te Eindhoven. Es grootste hobby kiep ich gaer ein pötje voetbal biej FC Roerdalen, zowel biej mien eigen team (JO17-1) en soms help ich oet biej de senioren. Daonaeve gaef ich auch keepertraining aan de jeugd, wo onger auch aan aad jeugprins Bing en zien adje Noud. Auch bön ich bekind es ‘Sid’ de mascotte van Fortuna Sittard. In miene vrieje tied doon ich auch gaer leuke dinger mit mien vrunj, wo onger auch mien adjes Rens en Sef 😊 Drie seizoene geleeje woor ich adje van Sef I en aafgelaupe seizoen bön ich adje gewaes van mien broor, Tycho I prins van FC Roerdalen. Maar Tycho is neet de enige van de femilie dae mig veur is gegange es prins, mien naeve Ian en Sten, miene paetoom Maurice en auch pap.
Ózze sjpreuk: Hase aan de kantj, Scepters in de handj
Sjlager Jeugprins Dean I & Jeugprinses Marit
——————————————————————————————————————–
Prins Thomas I
Op 6 januari 1991 bön ich Thomas Dominikus gebaore aan de kaaje waeg in Melick. Noe bön ich inmiddels 34 jaor jónk en woon ich same mit mien bienao vruijke Vivian en ós dochter Faya op de Doctor Nolenslaan in Melick.
in ‘t dageliks laeve moog ich mich Operationeel Manager nömme bie Excellent Fulfilment & Services in Herte. Ich bön hie mit name verantwoordelijk veur ’t aansjloete en ontboarde van ós nuuj opdrachtgaevers.
Opgegreuijd en besjmet gewaore mit ein onsjterfelijk virus, Vastelaovend.
Det Vastelaovend ein belangriek deil van ós laeve is höb ich és klein menke moge ervarie wie miene opa Rudi Dominikus veurzitter woor van K.V. de Markoef, in 1999 woor ‘t miene pap Rain I Dominikus dae de Markoef veur moch gaon. ‘T jaor 2005-2006 woor ‘t jaor det ich es jeugprins höb moge actere. Nao get jaorkes in de jeugraod te höbbe gezaete doorgesjtruimd nao de Raod van Ellef, Besjtuur en moog mich noe de litste 4 jaor és Vors binne ós sjoon vereniging veurt bewaege. És kers oppe taart moge veer dit jaor ós Sjoon vereniging veurgaon. Veer omdet mich det zeker neet allein lök. Same mit uch maar ouch mit mien Adjudante: Vivian de Bruin, Ann Dominikus, Geert Heldens & Danny Bongers gaon v’r d’r same ein geweldig sjoon fees van make. Dit alles gaon v’r doon ónger miene liefsjpreuk.
Wach Neet Toet Morge!
Sjlager Prins Thomas I
